எங்கும் ஓசை
எப்போதும் ஓசை
ஓசையுடனே சில நேரம்
தாளமும் லயமும் கூட..
"ம்ம்ம்ம்ம்......ம்ம்ம்ம்ம்ம்....."
புல் வெட்டும் ஓசை
"டங்.....டங்.....டங்....."
மறு சீரமைப்பு பணி இடிக்கும் ஓசை
"டக....டக.....டக......"
தரை துளைக்கும் ஓசை
சிறிதிலிருந்து
பெரிதுவரை ஓசை
காதுகளுக்கு
இனிமையிலிருந்து
துன்பம் வரை பேரோசை
ஓரு பக்க தலைவலியை
வரவேற்க்கும் ஓசை
பகலில் கேட்ட ஓசைக்கு
இரவு உறக்கம் தப்பிப்போதல்
சத்தம் இல்லாத தனிமை
கேட்க தூண்டும் ஓசை
குழந்தையின் காய்ச்சல்
ஓரு வார தொடர் கண்விழிப்பு
ஜுரம் விட்ட முதல் நாள்
இப்போதும் அதே ஓசை
முன்னைக்காட்டிலும் அதிக ஓசை
பட்டபகலில் பேரோசையில்
ஆழ்ந்த உறக்கம்....
அட இது கூட சாத்தியமா?
கருத்துகள் இல்லை:
கருத்துரையிடுக